Abonohu

Abonohuni në buletinin tonë për lajme mbi produktet dhe ofertat më të fundit

    Kujdesi ndaj klienetit: +355672003012

    Search

    Veronesi Caffe

    Foto qe ilustron kohen e duhur te konsumimit te kafese

    Kur është koha më e mirë për të pirë kafe?

    Siç e dimë të gjithë, kafeina është një nga pijet më të konsumuara në të gjithë botën dhe një nga arsyet e popullaritetit të saj është efekti që ka tek njerëzit. Ajo përmban një stimulues natyral që do t’ju mbajë energjik gjatë gjithë kohës. Mund të konsumohet në çdo orë të ditës, por shumica e njerëzve preferojnë ta  shijojnë atë në mëngjes për ta nisur ditën siç duhet. Në këtë artikull do të flasim për kohën e duhur për të konsumuar kafenë, për të rritur përfitimet e saj dhe për të minimizuar efektet anësore të mundshme që mund të shkaktojë.

    Foto qe ilustron konsumimin e kafese ne shtepi ne mengjes

    Kortizoli dhe kafeja

    Shumica e njerëzve kënaqen duke pirë kafen e tyre në mëngjes sapo zgjohen, pasi kjo i ndihmon ata të ndihen më energjikë gjatë gjithë ditës. Megjithatë kjo nuk është e vërtetë dhe studimet tregojnë se nëse konsumoni kafeinë menjëherë pas zgjimit, efektet e saj do të pakësohen pasi kortizoli, i cili është hormoni i stresit, është në kulmin e tij gjatë kësaj kohe.

    Funksioni i kortizolit është të rrisë vigjilencën dhe fokusin dhe gjithashtu të rregullojë funksionet e metabolizmit, reagimin e sistemit imunitar dhe madje edhe presionin e gjakut. Hormoni ka nivele të larta që arrijnë kulmin 30-45 minuta pas zgjimit dhe gradualisht bien gjate ditës, duke ndjekur një ritëm që është i veçantë për ciklin tuaj të gjumit. Koha optimale për të konsumuar kafe, sipas disa studimeve, është nga mesi deri në fund të mëngjesit, kur nivelet tuaja të kortizolit janë në nivelin më të ulët. Për ata që zgjohen rreth orës 6:30 të mëngjesit, periudha kohore perfekte do të ishte rreth orës 9:30 dhe 11:30 të mëngjesit.

    Kur nivelet e kortizolit janë të larta, konsumimi i produkteve të kafesë mund t’i ndihmojë ato të rriten edhe më shumë. Një efekt anësor i tij është se ngritjet afatgjata të kortizolit mund të dobësojnë sistemin tuaj imunitar dhe të rezultojnë në probleme shëndetësore.

    Megjithatë, nëse ju pëlqen të pini kafe menjëherë pasi të zgjoheni në vend që të prisni shumë orë, mund të vazhdoni ta bëni pasi nuk do të shkaktojë probleme në shëndetin tuaj. Por nëse jeni gati të ndryshoni rutinën tuaj të mëngjesit, mund të konsideroni të prisni disa orë para se të pini kafenë pasi mund t’ju jap energji shtesë.

    Foto qe ilustron konsumimin e kafese perpara aktivitetit fizik

    Kafeja mund të rrisë performancën gjatë kohës së ushtrimeve

    Për shkak të përmbajtjes së saj të kafeinës, kafeja do t’ju ndihmojë me ushtrimet tuaja të përditshme dhe do të nxisë zgjimin dhe vigjilencën. Një tjetër avantazh është se mund të zëvendësojë produktet që përdoren për të shtuar energji para stërvitjes që kushtojnë shumë më tepër, duke përmirësuar forcën dhe fuqinë e muskujve. Efektet e kafeinës nga kafeja në performancën e ushtrimeve varen nga koha kur e konsumoni atë pasi mund të jetë një faktor i rëndësishëm dhe të bëjë ndryshim të madh. Koha më e mirë për të konsumuar kafenë është 30 minuta deri në 1 orë para se të ushtroheni, sepse gjatë kësaj kohe kafeja do të arrijë kulmin në trupin tuaj dhe të japë përfitimet e saj të plota. Sasia e kafeinës që duhet të konsumohet do të varet nga trupi i individit dhe veçanërisht nga pesha.

    Ankthi dhe problemet e gjumit

    Ndërsa përfitimi kryesor i kafesë është promovimi i zgjimit dhe rritja e niveleve të energjisë, ajo gjithashtu mund të ketë disa efekte anësore si problemet me gjumin dhe ankthin, veçanërisht me njerëzit që janë të diagnostikuar me çrregullime që lidhen me këto probleme. Në varësi të tipareve të trupit të individit, efekti stimulues i kafeinës mund të zgjasë për 3-5 orë dhe gjysma e saj do të mbetet në trupin tuaj pas rreth 5 orësh. Për shkak të kësaj, rekomandohet të shmangni konsumimin e pijeve që përmbajnë kafeinë për të paktën 6 orë para gjumit, pasi mund të shkaktojë probleme me gjumin.

    Për ata që kanë luftuar me çrregullime mendore që lidhen me ankthin, kafeja mund të shkaktojë shqetësime të mëtejshme dhe të rrisë simptomat. Ju mund të keni nevojë të bëni ndryshime për të zëvendësuar nevojën për kafe, si për shembull ta ndërroni me çajin jeshil, i cili përmban një të tretën e kafeinës që ndodhet në kafe.

    Foto qe ilustron ndikimin e kafese tek ankthi

    Sa kafe duhet të konsumoj gjatë ditës?

    Sasia e konsumit të kafesë që konsiderohet e sigurt do të varet nga disa faktorë duke përfshirë këtu moshën, tolerancën dhe shëndetin e përgjithshëm. Të  gjithë këto faktorë mund të ndikojnë në sasinë e duhur që është e përshtatshme për ju, për të shmangur çdo dëmtim dhe efekt anësor. Shumicën e kohës një sasi e moderuar kafeje që përfshin 3-4 filxhanë në ditë konsiderohet e sigurt për shumicën e njerëzve që janë të shëndetshëm. Për më tepër ne do të përmendim disa udhëzime që duhet të keni parasysh për të shmangur cdo efekt anësor.

    Ndjeshmëria individuale

    Është thelbësore të dini se njerëz të ndryshëm janë më të ndjeshëm ndaj efekteve të kafeinës se të tjerë, pasi të gjithë kanë një tolerancë të ndryshme për kafenë. Mosha, shëndeti i përgjithshëm dhe trashëgimia ndikojnë në këtë ndjeshmëri. Ata që janë më të ndjeshëm ndaj efekteve stimuluese të kafeinës, si rritja e rrahjeve të zemrës dhe vigjilenca, mund t’i përjetojnë këto efekte edhe në doza më të ulëta. Për të shmangur efektet negative, duke përfshirë nervozizmin, ankthin dhe ndërprerjet e gjumit, mjekët do t’ju këshillonin të reduktoni marrjen e kafesë në raste të caktuara. Gjithmonë vendosni shëndetin tuaj në plan të parë kur caktoni sasinë e duhur e ushqimeve që duhet të konsumoni dhe nëse trupi juaj ju jep ndonjë shenjë paralajmëruese, konsideroni të konsumoni kafe pa kafeinë ose të zgjidhni pije të tjera me nivel më të ulët të kafeinës.

    Moderimi

    Për shumicën e njerëzve të shëndetshëm, konsumi ditor i kafeinës midis 200 dhe 400 miligramë (mg) konsiderohet i sigurt. Kjo sasi është pothuajse e ngjashme me konsumimin e 2 deri në 4 filxhanë kafeje në ditë, për ta bërë më të qartë. Është e rëndësishme të dini se sasia e kafeinës mund të ndryshojë në varësi të llojit të kafesë, teknikës së përgatitjes dhe madhësisë së saj. Të rriturit shpesh mund të përfitojnë nga vetitë energjike të kafeinës duke minimizuar rrezikun e efekteve anësore nëse qëndrojnë brenda këtyre sasive normale. Megjithatë, toleranca individuale ndryshon, dhe disa njerëz mund të zbulojnë se edhe një sasi e vogël e kafeinës ka shumë ndikim mbi shëndetin e tyre. Ndjeshmëria ndaj kafeinës duhet të merret parasysh për të parandaluar efektet anësore të padëshiruara duke përfshirë ankthin, stresin ose crregullimet e gjumit.

    Foto qe ilustron kafe ne shtepi

    Sasia e sigurt e kafeinës

    Konsumi i kafeinës mendohet të jetë i sigurt për shumicën e konsumatorëve – por jo për të gjithë. Grupet më të rrezikuara nga efektet e mundshme negative nga konsumimi i kafeinës përfshijnë,  nënat shtatzëna, gratë me gji, fëmijët dhe adoleshentët, dhe ndoshta pacientët me probleme shëndetësore, të tilla si sëmundjet kardiovaskulare.

    Në gratë që po përpiqen të mbesnin shtatzënë, konsumimi i kafeinës më shumë se 400 miligramë në ditë u shoqërua me një rritje prej 11 për qind të rrezikut të abortit spontan. Nënat shtatzëna që konsumonin kafeinë ishin në rrezik më të madh për të lindur një fëmijë nënpeshë.

    Kur nënat shtatzën pinë kafe, një pjesë e kafeinës i kalon foshnjës përmes qumështit të gjirit. Meqenëse metabolizmi është shumë më i ngadaltë tek foshnjat sesa tek të rriturit, edhe nivelet e vogla të saj mund të kenë efekte të rëndësishme tek foshnjet. Megjithatë, studimet nuk janë përfundimtare. Disa studime të tjera raportuan gjithashtu rritje të nervozizmit tek foshnjat, veçanërisht kur nënat konsumonin nivele shumë të larta kafeje, si 10 filxhanë ose më shumë në ditë. 

    Në përfundim

    Siç e dimë të gjithë, kafeja është një pije e konsumuar gjerësisht në çdo vend të botës dhe studimet tregojnë se koha më e mirë për ta konsumuar atë është nga mesi deri në orët e vona të mëngjesit kur niveli i kortizolit është më i ulët, për të parandaluar çdo efekt të mundshëm negativ. Pirja e kafesë përpara ushtrimeve ose aktiviteteve fizike, mund të ndihmojë në parandalimin e lodhjes dhe përmirësimin e forcës dhe fuqisë muskulore. Mos harroni gjithashtu se kafeina ka një ndikim stimulues dhe nëse pihet shumë shpejt para gjumit, mund të shkaktojë creegullime të saj, dhe në disa raste, të rris nivelin e ankthit.

    Leave
    a comment